من طبخات العزائم المفضلة لدي الكبسات والبرياني فيهم بركة وسهلين ؛-)
وكل مرة بعمل الكبسة او البرياني بطريقة شكل حسب المزاج والمواد المتوفرة ؛-)
المكونات :
٥٠٠ غرام روبيان صغير مقشر ومنظف
٢٥٠ غرام رز بسمتي
بصلة
حبة فليفلة
حبة بندورة كبيرة
ملح، بهار برياني، فلفل اسود، شطة ناشفة، بهار ثوم حسب الرغبة
سمك سلمون كيلو او كيلو نص
الطريقة:
نقوم بتفريم البصل وسط وبنقليه بالطنجرة مع زيت زيتون وبعد ما يحمر بنضيف البندورة المفرمة ناعم والفليفلة ونبهر بالشطة وبهار البرياني وبهار الثومة وملح وفلفل اسود ، خلال عشر دقايق بكونو ادبلو وقتها بنضيف الروبيان ، الروبيان يستوي بسرعة ما بحتاج الا دقيقة ومرات اقل بنضيف ٥٠٠ غرام ماي وأول ما يغلي بنضيف الرز البسمتي ( كلو ع نار عاليه) بعد ما الرز يتشرب تقريبا بعد عشر دقايق بكون لازم انوطي النار
وخلال تلت ساعه او ٢٥ بكون استوى، طفي النار وهلي الطبخة تهدى لا تسكبيها عطول
السمك السلمون او النوع الي بتحبوه، أنا قطعت السلمون قطع متساوية وحطيت عليه فلفل اسود وملح وزيت زيتون ودخلتو الفرن ٢٠ دقيقة وأول ما طلع عصرا عليه ليمون
للتزين : لوز وزبيب مقلي
تقدم مع صوص البندورة او الطرطور وصحتين والف هنا
No comments:
Post a Comment