القطايف يم يم ؛-)))

تجربتي مع القطايف تجربة فريدة ؛) مع هاي الحلويات بشم وبتذوق طعم بلد ، وبتزكرني بعائلتي ولمة وبركة رمضان المبارك ؛-)

مقادير عجينة القطايف:
١ كوب سميد
٢ كوب طحين
٣ أكواب ماء فاتر ( او حليب فاتر)
٢ معلقة صغيرة بيكنغ باودر
١ معلقة وسط خميرة فورية
٣/٤ كوب سكر
رشة ملح، رشة فانيلا

الطريقة:
اخلطي كل المقادير واتركيها ساعة، سخني قلاي ما بتلزق او صاج بكون افضل وبس يسخن مزبوط في فنجان قهوة صبي القطايف وأول ما الوجه ينشف شيليها، رح تلاحظي ريحة الفانيلا طيبة جداً

وعشان نتائج مضمونة وقطايف طرية يفضل تحضير العجينه وتركها بالثلاجة لتاني يوم وبعدين استعمليها، بيكون السميد اتشرب المزيج احسن

الحشوة:
جبنة بيضة او جوز مفروم ناعم بالقرفة والسكر

في قلاية غميقة سخني الزيت واقلي الفطاير وأول ما يحمرو سقطيهم بالقطر البارد ؛-)

ملاحظة:
اذا كمية القطايف طلعت اكتر من اللازم ممكن وضعها بالفريزا محشية وعند الحاجة طلعيها واقليها
وصحتين ؛)